Arquitectura: guías para unha docencia universitaria con perspectiva de xénero

Abstract

No mundo da Arquitectura cómpre pór en valor a diversidade nun senso amplo: destacar o traballo realizado polas arquitectas; proxectar e planificar espazos que respondan ás necesidades de sexos, xeracións, capacidades e recursos diferentes; visibilizar as distintas formas de exercer a profesión, consideradas tradicionalmente como «menores», como o comisariado de exposicións ou o paisaxismo, e promover as mulleres como construtoras, promotoras e usuarias. A guía para unha docencia universitaria con perspectiva de xénero de Arquitectura fornece de propostas, exemplos de boas prácticas, recursos docentes e ferramentas de consulta que permiten enriquecer o relato construído arredor da disciplina e reflexionar verbo do sexismo na docencia e a investigación, amais de na práctica profesional.